 |
| وصفات محسوبة |
◄الكوسه باللحمه/ الكوسه بالبشاميل
صلصه بشاميل :
5 معالق طعام دقيق ..كارب 30
1.5 كوب لبن كامل الدسم ...كارب 19 / بروتين 12 / دهون 12
1 بيضه مضروبه بملح وفلفل
زيت : كله : 50 كارب /12 بروتين
* نصف كيلو لحم مفروم نيء : بروتين 19% = 500 * 0.19
دهون 75 جرام لو لحمه حمرة ..125 جرام لو فيها دهن
* كيلو ونصف كوسه : كارب 53 , بروتين 18
* 4 حبات بصل وسط ...كارب 47
* 3 معالق صلصه طماطم ..كارب 9
* 4 حبات طماطم مبشوره..كارب 15
* 6 فصوص ثوم ..كارب 6
الطريقه :
نقطع البصل مكعبات صغيره ونضعها في حله غويطه معها اللحم المفروم ..إلى أن يذبل البصل وتنزل ميه أللحمه وتنشف
نوزد فلفل اسود وبهارات ومعلقه قرفه صغيره وصلصله الطماطم والطماطم المبشوره ونقلب حتي تبدأ في التسبيك نزود قليل من الميه المغليه ونتركها تستوي
بعد متستوي اللحمه
نقشر الكوسه ونقطعها حلقات ..نقلبها مع اللحمه المتعصجه في الحله ونتركها لمده 3 دقائق
نقسم مقدار اكوش بللحم في صنيتين واحد تدخل الفرن زي ماهي والأخري عليها صلصله البشاميل ويدهن الوجه بالبيض المخفوق
نضعهم 10 د في فرن متوسط الحراره شغال من تحت بس ..وهم في الرف ألي في النص
بعدين نطفي الفرن ونشغل شويه لحد ميحمر الوجه
صينيه الكوسه باللحمه ..كلها كارب 56
صينيه الكوسه بالبشاميل ..كلها كارب 106 ..عملت معايا 6 قطع ..القطعه 18 كارب
◄ شوربة عدس
٢٥٠ جم عدس أصفر (٧٤ كربوهيدرات نهائية )
١٠٠جم شعرية (٧٥ جم كاربس )
٢ حبه بطاطس وسط( ٧٢ جم كاربس )
٢حبه جزر وسط (٨ جم كاربس )
٤ حبات طماطم
٤حبات بصل وسط
راس ثوم
٢ ملعقة صغيرة كركم
ملح/فلفل أسود/كمون/حبهان حسب الرعبة
نحضر قدر، نضع فيه ماء مغلى ثم نضع العدس الاصفر، الطماطم، البطاطس، البصل والجزر الاصفر، يترك لينضج. بعد الإستواء، يضرب في الخلاط
نحضر قدر أخر، ويحمر به الشعرية ثم نضع العدس، يتبل بالملح، الفلفل، الكمون ويترك على النار لمدة 10 دقائق , تزين بالبصل المحمر على سطح العدس
(الكمية تساوي ٢٣٠ جم كاربس أو ١٥ نقطه (أنا طلع معايا شوربه "كثافتها وسط " مقدار ١٦٠٠ جم), حسب كثافة الطهي و عدد الأطباق ممكن تقسم براحتكم
◄ مكرونه بشاميل
مقدار يعمل 12 قطعه (قطعه حجم أبعاد ورق الكوتشينه ).. ..الصنيه بايريكس مستطيله وسط..
مكرونه ..600 جم..100 الجرام نيء فيه 74 كاربس ..
البشاميل :
دقيق..كوب ..95 كاربس
لبن ..2 كوب..الكوب فيه 13 كاربس
2 كوب مياه
ملح/فلفل
الحشو
400 جم لحم مفروم نيء
القطعه :
كارب 45
الدهون 7.5
بروتين 11
◄ شاورمه فراخ
نصف كيلو فراخ فيليه مقطع شرائح رفيعه
2 بصله وسط شرائح
2 بصل أخضر مكعبات
نصف كوب عصير تفاح
معلقه قرفه صغير /ملح فلفل
نشوح البصل مع الجزء الأبيض من البصل الأخضر حتي يذبل ويصبح لونه كهرماني
نزود الفراخ ونقلب حتي يصبح لونها دهبي وتبدأ في السوى
نزود القرفه والفلفل الأسود ونقلب حتي تظهر ريحتهم ..نزود العصير ونقلب حتي يتبخر تمام ..لو الفراخ لسه محتاجه شويه سوى بزود حبه ميه مغليه ونسيبهم يتبخرو
تقدم وتزين بالجزء الأخضر من البصل
كميه تكفي 3 أفراد
◄ خضار بالمشروم
كيس خضار مشكل جاهز ..الكيس كله ب-35 كارب
حبه كوسه مكعبات
1 بصل مكعبات 11 كارب
200 غرام مشروم مشوح
الخضار يتعمل علي البخار
المشروم يتشوح في معلقه زيت معه فصين توم حلقات
قبل التقديم يتخلطو مع بعض ويتبلو ملح وفلفل
كميه تكفي 3 أفراد ..الحصه 15 كارب تقريبا
◄ شوربه مشروم
250 غرام مشروم معلب ..النوع اللي عندي كارب لكل 100 غرام 0.2..5 كارب
3 فصوص ثوم مفروم ..3 كارب
3 معالق دقيق..19 كارب
كوب لبن..13 كارب
شوربه فراخ بيتي
معلقتين زيت
نشوح المشروم في معلقه زيت حتي يبدأ لونه يتغير ..نزود الثوم ولما تظهر ريحته نضيف الدقيق ومقلعه الزيت الأخري ونقلب حتي ينضج الدقيقي ويصبح لونه ذهبي غامق
في الخلاط نضع كوب لبن زائد الخليط بتاع الدقيقي وندرب نعم لو مش بنحب شكل المشروم في الطبق ..أو نص ناعم لو بنحب يكون باين
نرجع الخليط في الحله ونوزد كوب شوربه فراخ وبقلب حتي الغليان ..ساعتها نزود بالشوربه حتي نوصل للقوام اللي بنحبه .
نطفي ونزبط الملح والفلفل
كميه تعمل 3-4 أطباق بنفس الحجم ده
الطبق 10-15 كارب
◄سلطه كول سلو
200 غرام كرنب أبيض سلطه..١٢ كارب
200 غرام كرنب أحمر..12 كارب
1 جزره كبيره..7 كارب
التتبيله:
2 معلقه مايونيز ..دهون 20
2-3 كيس سكر دايت نصف لمونه
معلقه شاي خل أبيض
تقطع الخضر شرائح رفيعه جدا بعدين تقلب في ألتتبيله وتترك لمده 3 ساعات
كله 31 كارب /20 دهون
كميه تقضي أفراد كتير
◄كاب كيك اللوز والموز
1 1/4 كوب لوز مطحون ناعم...كارب 25 /دهون 63 / بروتين 27
1/4 كوب دقيق..كارب 24
8 اكياس سكر دايت
1/4 م.س ملح
1/2 م .ط بيكنج باودر
1/3 كوب زيت..دهون 54
3 موزة صغيره مهروسه..كارب 50
1/4 كوب مياه
1 م.ط. نشا
3 بيضات
كيس فانيليا
نجمع المكونات الجافه مع بعض
نخفق البيض جيدا لمده 5-10 دقائق حتي يزيد قوامه ..نضيف الموز المهروس والزيت ..نمزج جيدا
نضيف المكونات السائله علي الجافه
نمزج جيدا في إتجاه واحد
توزع علي صينيه كاب كيك بعد وضع الأطباق الوقيه ..كميه تكفي لعمل 11 وحده
تدخل فرن سابق التسخين ..لمده 20 د علي درجه حراره 250
تختبر بخله أسنان قبل ما نخرجها
نتركها تبرد ونزينها حسب الرغبه
كاب كيك الواحده فيها
كارب 9
دهون 10
◄كاب كيك اللوز و البرتقال
80 غرام لوز صحيح مطحون ناعم...كارب 16 /دهون 41 / بروتين 17
1/2 كوب دقيق..كارب 48
10 اكياس سكر دايت
1/4 م.س ملح
1/2 م .ط بيكنج باودر
1/3 كوب زيت..دهون 54
140 مل عصير برتقال علي يوسفي طازج ..كارب 14
قشر برتقال +يوسفي مفروم ناعم
1 م.ط. نشا
3 بيضات
كيس فانيليا
نجمع المكونات الجافه مع بعض
نخفق البيض جيدا لمده 5-10 دقائق حتي يزيد قوامه ..نضيف العصير والزيت ..نمزج جيدا
نضيف المكونات السائله علي الجافه
نمزج جيدا في إتجاه واحد
توزع علي صينيه كاب كيك بعد وضع الأطباق الوقيه ..كميه تكفي لعمل 11 وحده
تدخل فرن سابق التسخين ..لمده 20 د علي درجه حراره 200-250
تختبر بخله أسنان قبل ما نخرجها
نتركها تبرد ونزينها حسب الرغبه
كاب كيك الواحده فيها
كارب 7
دهون 8.6
◄سلطه الفاصوليا
300 غرام فاصوليا خضرا مقطعه ..كارب 21
بصله كبيره =100 غرام ..كارب 10
حبه فلفل أصفر =80 غرام ..كارب 5
التتبيله :
1/4 كوب زيت ذره ..دهون 54
1/4 كوب خل أبيض
6 أكياس سكر دايت (كيس =معلقتين شاي )
فلفل أسود /ملح خفيف علشان الخل
نسوي الفاصوليا علي البخار نصف سوى
نقطع البصل والفل شرائح رفيعه
نقلب الخضار مع بعض ثم نصب عليه التتبيله ويقلب مره وحده ويدخل الثلاجه ..تترك 2-3 ساعة ..ثم نزبط ملح وفلفل لو محتاجه زياده
تقدم بارده
كميه تكفي 5-6 أشخاص
كارب كلي: 36
دهون كلي 54
◄كاب كيك الشيكولاته
80 غرام لوز صحيح مطحون ناعم...كارب 16 /دهون 41 / بروتين 17
1/2 كوب دقيق..كارب 48
9 اكياس سكر دايت ( بطعم معلقتين شاي )
1/4 م.ص ملح
1/2 م .ط بيكنج باودر
1/4 كوب زيت..دهون 54
1/4 كوب مياه 1/4
كوب لبن ..كارب 4 كارب
15 غرام كاكو هيرشي غير محلي ..كارب 9
15 مل /معلقه كبيره صوص شيكولاته (إختياري)..كارب 10 كارب
4 بيضات
كيس فانيليا
نجمع المكونات الجافه مع بعض
نخفق البيض جيدا لمده 5-10 دقائق حتي يزيد قوامه ..نضيف العصير والزيت ..نمزج جيدا
نضيف المكونات السائله علي الجافه
نمزج جيدا في إتجاه واحد
توزع علي صينيه كاب كيك بعد وضع الأطباق الوقيه ..كميه تكفي لعمل 12 وحده
تدخل فرن سابق التسخين ..لمده 20 د علي درجه حراره 200-250
تختبر بخله أسنان قبل ما نخرجها
نتركها تبرد ونزينها حسب الرغبه
كاب كيك الواحده فيها
كارب 7.25
دهون 8
◄شيش طاووق + سلطة زبادى + سلطة كول سلو
الشيش طاووق 2ك فراخ(افخاد)
195جم طماطم ب 8ك
68جم فلفل ب2.5ك
الفرد ب 3.5 كارب بدون الفراخ
سلطة الزبادى.....
312جم زبادى ب 15.5 ك
220جم خيار ب 10ك
فص توم 0
نعناع بودر 0
كولسلو.......
70جم جزر ب 7ك
200جمزبادى 10ك
كمية تكفى 4 افراد
الفرد ب 18كارب
◄شجره الفاكهة
75جم تفاح 10.5م
100جم فراولة 8ك
40جم موز 9ك
الشجرة كلها ب 27.5ك
◄ ساندوتش خيار بجبنة اسطنبولى
نص شريحة فلامنك
200جم خيار ب 9كارب
◄كوسة بالبشاميل
سلطة وجرجير
176جم كوسة ب 6ك
البشامل 528جم لبن ب 26ك
70جم دقيق ب 53ك
خدت ربع كمية البشامل ب 19ك
حسبت السلطة ب 5ك
الوجبة كلها 30ك
◄بيض وفلفل
بيض وفلفل وقطعة جبنة رومى
93 جرام طماطم 3.7 كارب
76 جرام خيار 3.4كارب
لبن جرام 12كارب
كله جرام 19كارب
على النار بسخن الزبدة واحط الفلفل حلقات وبعدين بضرب البيض برة واصبه جوة الفلفل ولما ياخد لون
بقلبه الناحية التانية
◄قرنبيط بالبشاميل
البشامل
28جم دقيق ب 21ك
170جم لبن ب 12ك
القرنبيط
230جم ب9.5ك
السلطة 5ك
◄باباغنوج
209جم بتنجان ب 13ك
75جم طحينة ب 15.75 ك
103جم زبادى ب 6 ك
ملح فلفل كمون بصل صغيرة 3فص توم خل لمون معلقة زيت زيتون
كلها ب 35ك تقسم على 3 اطباق الطبق ب 11.5ك
الطريقة.....
بشوى البتنجان والبصل والتوم واضربهم فى الكبة واضيف عليهم باقى المكونات
تزيين ب كمون وسماق وزيت زيتون
◄بيتزا الباذنجان
بجيب البتنجان واقطعه دواير سميكة و ارشه بزيت و ادخله الفرن يتشوي اجيب لحمة حمرا مفرومة اتبلها ببصل و ملح و فلفل و بيضة و بعدين اعملها دواير علي اد حجم البتنجان و اسويها ف الفرن من غير اي دهون اعمل صوص البيتزا عبارة عن 3 فصوص توم اشوحهم ف معلقة زيت و بعدين احط عليها فلفل اخضر مقطع و طماطم متقشرة ر متقطعة مكعبات برضة و اسيبهم يتسبكو مع نص معلقة صغيرة سكر اخيرا احط صلصة البيتزا علي البتنجان و بعدين شريحة الكفتة و اخيرا جبنة موتزريلا و علي الفرن و بالهنا و الشفا
◄ لفائف التونه بالخس
المكونات: تونا، جزر، خس، ملح، فلفل، ليمون و بصل اختياري(محطتش )
الطريقة:
التونا و جزر مبشور (ايوة انا اقعدت ابشره بنفسي) و ملح و فلفل نقلبهم مع بعض في طبق
نجيب الخس و نحط عليه الخلطة
تزين بزيتون او زيت زيتون
الحساب: خس زيرو
تونة ٢٩ بروتين في ال١٠٠ جرام
ربع جزرة ٥ كاربس
يعني كل الكاربس اللي في الموضوع ٥-٦ بس!
بالهنا و الشفا
◄ بانية شرايح متبل و كوسة اسباجتي
ربع كيلو كوسة نعملها شرايح بالمقشرة
بصله شرايح- 3 وحدات مشروم شرايح نشوح البصل ف معلقة زيت و بعدين ننزل بالمشروم و بعدين الكوسة و نزبط الملح و الفلفل و نسيبها تستوي ممكن نضيف معلقة ساور كريم او كريمة طبخ لطعم عشان الاطفال
بانية شرايح متبل بمية بصل و صويا صوص و لمون و معلقة مستردة و ملح و فلفل و مشوي علي الجريل فوق البوتجاز ف اسياخ الشيش طاووق
◄كوكيز الموز والشوفان
200 جرام موز مهروس= 46 كارب
100 جرام شوفان =66.3 كارب
30 جرام عين جمل =4.08 كارب
يخلطو معا و نشكلهم 9 بسكوتات و يخبزوا في فرن190 درجة
◄بسكوت السودانى بالشيكوﻻتة
250 جم سودانى ب 38ك
35 جم جوز هند مبشور..
4 كيس سكر سويتال 0ك
معلقة سكر بودر ب 7.5
بيضة كبيرة 0ك
2م زبدة طرية 0ك
10جم بيكنج بودر
رشة ملح
كمية عملت معايا 20 واحدة
الواحدة ب 2ك ونعمل حساب الشيكوﻻتة
يبقى الواحدة ب 2.5ك
◄دوناتس
175جم سودانى ب28ك
80جم جوز هند ب 4.8ك
25جم لبن بودر ب 11ك
10جم بيكنج بودر +15جم دقيق ب 19ك ( يستحسن بﻻش دقيق وزودوا السودانى أو لوز)
2 بيض ب 0ك
100جم زبدة سايلة ب 0ك
4كيس سكر سويتال ب 0ك
70جم شيكوﻻته سائلة ب 38ك
كلهم ب 100ك عملوا معايا 33 واحدة
الواحدة ب 3ك.....
( لو عملتوا من غير دقيق ) الواحدة الواحدة هتبقى ب 2ك
الطريقة:
نضرب السودانى وجوز الهند فى الكبة ويبقوا بودر
نضيف عليهم اللبن والبيكنج بودر وذرة ملح
فى طبق تانى نضرب السكر مع الزبدة ونضيف البيض بيبقى خليط كريمى
نقلبهم على بعض ونعملهم كور صغيرة وندخلهم الفرن على 170° لمدة 15دقيقة وبعدين نشغل الشواية ياخد لون
يبرد كويس ونسيح الشيكوﻻتة على حمام مية مع قطعة زبدة ونمسك واحدة واحدة نغطسها فى الشيكوﻻتة....
بالهنا ....
◄كب كيك
كب كيك 1.7 كاربس
نص كوب دقيق جوز هند
٤ بيضات
٢ معلقة كبيرة حليب
فانيليا
١/٣ كوب زيت نباتي
١/٢ معلقة صغيرة بي
بكينج بودر
٦ كيس ستيفيا
◄شكلمة
شكلمة / شكلما
١ كوب جوز هند مبشور (مش دقيق اهو)
نص كوب قشطة
٧ سكر دايت
نص معلقة صغيرة فانيليا
٢ بياض بيضة
الطريقة:
١- حطي الجوز هند و القشطة و فانيليا و الستيفيا و قلبيها و سبيها نص ساعة لساعة
٢- سخني الفرن
٣- في طبق تاني بياض بيضتين و يضربوا بالمضرب لغاية ما يبقى ابيض زي الكريم شانتيه (whipped cream)
٤- الاتنين يتقلبوا مع بعض و نحط زيت او زبدة على صينية و و بمعلقة الايس كريم نحطها علشان تبقى كلها نفس الحجم
٥- ندخلها الفرن ١٥ دقيقة و اخر دقيقتين نفتح الشواية ( الفرن اللي فوق )
بالهنا و الشفا ...
عملت ٢٣ واحدة و الواحدة ١.٣ كارب و ٣ دهون العادية ب٦ كارب
◄كراوسون الجبنه و الزيتون و الفلفل ألاخضر
ينفع سناك أو عشا مع سلطه و بروتين .
2 و نص ك دقيق ... 285 كارب.
زبادى... 6 كارب.
1|4 كوب زيت .
1|2 كوب لبن . 6 كارب .
3 معالق سكر .. ب 12 كارب .
كيس خميرة فوريه - كيس كيك شيف .
أجمالى الكارب 309 كارب
عملوا معايا 39 واحده صغيرين
الواحده تقريباً ب 8 كارب .
◄Cheese buns
200 ج لوز
معلقتين كريمه لباني و معلقين زبادي
نص معلقه توم بدره
معلقيتين باكنج بودر
4 معالق زيت
ربع معلقه ملح
150,ج جبنه رومي
3 بيض
نضربهم كويس في الخلاط و بعدين نحط اللوز عليهم و نعجنهم كويس
السوا علي حراره 200
و بتقعد من 10 ل 15 دقيقه
المقدار ده عمل 16 واحده و الواحده ب 3 كارب
◄المسقعه
البتنحان ..ده متشوح علي صاج تحت الشوايه في الفرن بعد مارشيته زيت
كيلو بتنجان
240 جرام بطاطس محمره ..
تلات حبات فلفل اخضر متشوح
واحده بصل شرايح متشوحه
طماطم متسبكه
لحم مفروم معصج وعليه معلقتين صلصه
كلها كارب 161
تعمل ست حصص كبيره
جنبها بابا غنوج
◄دجاج رول
بانيه شرائح رفيعه متبل بملح وفلفل وبهارات فراخ
الحشو بصل ومشروم وفلفل تتبيله بسيطه ملح وفلفل اسود ويشوح في طاسه علي النار
تفرد شرائح البانيه وتحشو ومعاها صوابع مواتزاريلا وتلف وتغلق جيدا ممكن شوائها علي الجريل وان لم يكن متوفر صينيه عليها ورق زبده وتغلق جيدا بالومنيوم فويل وبعد تمام النضج توضع تحت شوايه الفرن للحصول اللون الذهبي وممكن تقدم مع سلطه خضراء او كلوسلو عليها قليل من الجزر ومايونيز دايت
◄بيتزا القرنبيط
زهرة قرنبيط متوسطة سلقتها .وبعدين صفيت الماية منها كويس وفرمتها ناعم اوي ...
وهي دافية نحط عليها كوب جبنة موتزاريلا (عشان الجبنة تسيح) وبيضة واحدة بس وملح بسيط . وعجنتهم كويس جدا ....
صينية مرشوشة زيت قليل وفردت الخليط عليها ودخلتها الفرن لحد مااستوت ....
خرجتها من الفرن وحطيت علي وشها صلصة البيتزا العادية وبعدين المكونات اللي انت عايزاها (فلفل . شرائح زيتون .لحم مفروم أو بسطرمة .شرائح بصل صغيرة ورفيعة.....).وكمان موتزاريلا تاني ع الوش......
دخلتها الفرن تاني يادوب لحد ماالجبنة ساحت
◄كيك البسكوت
3 أكواب دقيق أبيض منخول ..الكوب يزن 125 غرام ..كلهم 286 كارب
1 كوب دقيق لوز أو لوز مطحون ..الكوب يزن 98 غرام فيه 20.5 كارب + 47 غرام دهون
1.5 كوب زيت ذره ..الكوب يزن 218 مل ..فيهم 327 غرام دهون
2 كوب لبن ..24 كارب
6 بيضات
نصف كوب سكر..يزن 100 غرام ..فيه 100 كارب
20 كيس سويتال ..يعادل كوب واحد سكر
كيس محسن كيك
فانيليا
ذره ملح
الكميه دي طلعت معية كيك وزنه 1110 غرام ..علشان كده المعاملات دي
أو عددهم كان 36 قطعه متساويه القطعه 12 كارب تقريبا
نسبه الكرب 38 %
نسبه الدهون 34 %
الطريقه
نضرب البيض مع السكر لحد ميعلي ويفتح لونه ..5-10 د
نضيف الزيت + لبن ونضرب تاني لحد التمازج
ننخل الدقيق ونضيف ليه المحسن ودقيق اللوز والفانيليا و ذره الملح
نضيف المكونات السائله علي الجافه ونقلب بالراحه
نقسم المقدار 3 أجزاء
جزء يفضل نفس اللون
جزء نضيف 4 معالق كاكاو خام ومعلقتين لبن سائل ونقلبهم جيدا
جزء نضيف ألوان كيك مع معلقتين صوص فراوله بتاع هيرشي ،لو مش موجود ألوان كيك مع معلقتين جيلي فروله بودره
ندهن صينيتين زيت جيدا
نوزع المقدار بحيث معلقه أبيض ..ثم عليه معلقه أحمر ثم عليه أبيض وهكذا لحد متفرش وتملي الصينيه
المقدار لعمل صينيتين لأنها مش المفروض تطلع عاليه
ندخل فرن سابق التسخين علي 180 ..لمده 30 د
بتطلع بالسمك ده نصيبها تبرد بعدين نقطعها
◄ فطائر اللوز
تنفع زي عيش أو تتعمل حلو زي بانكيك
المقادير
كوب لوز صحيح يطحن ناعم (96 غرام )
2 بيضه
ربع إلي نصف كوب مياه
معلقتين طعام زيت
ربع معلقه صغيره ملح
معلقه صغيره محسن كيك أو بيكنج باودر
3 أكياس سكر دايت سويتال
تخلط المقادير كلها مع ..تترك ربع ساعه
في طاسه البانكيك نرش سبراي زيت الطهي ونضع كميه مناسبه
الكميه تكفي لعمل 5-6 وحدات حسب حجم الطاسه
القيم الغذائيه للمقادير كلها
الكارب الكليه : 21 غرام
الدهون الكليه : 81 غرام
البروتين الكلي : 20 غرام
◄ايس كريم فراولة
كوب كريمه خفق
كوب زبادي
ربع كوب سكر
وانا ضيفت م ص فانيليا
و٢ م ك قشطه
15 فراوليه
والكميه عملت 6 كوب وسط
1.93 بروتين 2.84 كارب بعد اما جمعت كل المكونات وقسمتها علي 6
◄طاجن لحمه بالموتزاريلا
ربع كيلو لحمه فلتو
ربع مج موتزاريلا
فلفليه خضراء
بصله متوسطة
١ طماطم كبيره
ملعقه صغيره من الملح وفلفل اسود وبهار لحم
الطريقه: توضع اللحمه في حله علي نار هاديه بدون اي اضافات حتي تمام السواء
اثناء سواء اللحمه يوضع البصل في طاسه علي النار بمعلقه زيت صغيره وتشوح ثم نضيف الفلفل والطماطم والبهارات وتوضع علي اللحم وتقلب جيدا تصب داخل الطاجن وتوضع المواتزاريلا علي اللحم وتوضع في الفرن تحت الشوايه حتي تسيح الجبن وبالهنا واالشفا
جرام لحمه 0 كارب 50 بروتين 7.5 دهون
بصله 6 كارب 1 بروتين
2 طماطم 8 كارب 1 بروتين
فلفله خضراء وملح ورشه فلفل اسود
200 جم مواتزاريلا 0 كارب 36 بروتين 40 دهون
خبز الموز و اللوز
2 بيضه
2 موزه = 24 كارب
1/2 كوب دقيق لوز = 12 كارب
3/4 كوب دقيق جوزهند = 24 كارب
1 ملعقه بيكينج باودر
فانيليا
1/2 كوب زيت
1/4 معلقه قرفه
الطريقه :
يسخن الفرن علي درجه حراره 180 ، و يتم دهان الصنيه بزيت
خلط جميع المقادير السائله ثم الجافه
خبز علي درجه حراره 180 لمده 15 دقيقه ثم علي درجه حراره 160 25 دقيقه
المقدار = 60 كارب
عمل 12 واحده ، الواحده تساوي 5 كارب
شيش طاووق
وراك فراخ بيضة مخلية...
التتبيلة مفتوحة يعني انا بحط زبادي + صوص بارابكيو + صويا صوص + مسطردة + ملح وفلفل وثوم وبصل بودرة وبابريكا وزنجبيل وقرفة وكله كميات بسيطة اوى
بتبل فيها قطع الفراخ يوم كامل مقفول عليها ف كيس
بعد كده بجهز فلفل ألوان ودا بيدي طعم مسكر وبصل وطماطم وممكن كوسة.. كله قطع واحطهم على التتبيلة تاخد منها شوية واجهزها وادخلها في الخشبة
التسوية
بديها تشويحة وصدمة على الجريل زي ف الصورة ف شوية زيت صغيرين اوى وبعدين بدخلهم الفرن في بايركس واقفل عليهم بالفويل واسيبهم نص ساعة او حسب الفرن بقى
بشغل عليها الشواية تنشف حاجة بسيطة.. وممكن ف الاخر فحم تولع ونطفيها بزيت ا سمنة بتعمل ريحة حلوة
وبالهنا والشفا
كل الوصفات متاحة على
ليست هناك تعليقات:
إرسال تعليق