[full_width] 
توضيح في موضوع الاكل منخفض الكارب و عالي الدهون والاطفال
ربنا خلق البنكرياس يطلع انسولين سريع وقت الاحتياج مش دائم القاعدي هو اللي مش عليه خلاف بيطلع طول الوقت
احنا بنعوض بانسولين خارجي = جرعات القاعدي بتتحسب نسبه من الوزن + السن + معدل المجهود اليومي وجرعه الاكل هياخد جرعته حسب اكلته ايا كانت في اي نظام
احنا سكريين نوع اول يعني فقدنا التالي بنفقد تمام انتاجيه حاجتين مع الهجوم المناعي Amylin + phase 1 insulin ده معناه معنديش انسولين يطلع اول ما احط اللقمه في الفم ويبتدي هضم النشا في الاكل بفعل الغدد اللعابيه وده بدايه ارتفاع السكر مع الوجبات النشويه او سريعه الهضم في الكاربوهيدرات ثم معنديش هرمون الاميلين اللي منظم للهضم وطلوع الانسولين علي اساس ناتج الهضم ده ,يبقي انا مثلا لو ابني علشان اديله وجبه وهو سكره 100 واخد 45 كارب = لو الوجبه دي فيها عيش ولا رز ولا نشويات = في اول نصف ساعه سكره بقي 250 ولو كانت وجبة ساحنة يبقي في اول عشر دقائق واقل كمان , ولنفرض ان بعد ساعتين يضبط سكره تاني اقل من 120 = مجرد بس ان ده يحصل مع كل مره اكل و يوميا = مضاعفات بسبب التبذبذب . انسولين المرحله الاولي ده معني بالكاربوهيدرات سريعه الهضم فقط , انسولين المرحله الثانيه ده معني بالكارب البطئ والبروتين , واي حد علي الانسولين الخارجي يقدر ياخد جرعات بتوقيتات محتلفه حسب طبيعه اكله وهو بيغطي ايه
يوجد حساب متقدم للطعام معني فقط بجرعات تتعامل مع الدهون والبروتين
◄ طيب ايه بقي نظام منخفض الكارب عالي الدهون
ده تعديل لنظام الاكل بحيث يكون لا يتعدي 30 - 50 جرام كارب في اليوم كله وليس الوجبه , او كارب تساوي 10% من السعرات الحراريه اليوميه ولا تقل عن 5 % = يعني مافيش حاجه اسمها ما اكلش كارب نهائي لان ده غلط طبي فادح , واخد بروتين بنسب من وزني المثالي حسب المجهود الرياضي بتاعي . والباقي دهون جيده وطبيعيه المصدر
◄ طيب ليه كميه الكارب دي تحديدا
لان دي الكميه اللي الجسم ساعتها يقول انا هتجه للدهون كمصدر اساسي للطاقه كل يوم الخبط فيه يبقي انا لخبطت جسمي وطلعته من الدايره دي ولسه هخليه يبتديها تاني
◄ طيب اكتر منها يحصل ايه
مش هنحرق الدهون كطاقه ويتم تحويلها لدهون تخزينيه في صورة مضرة للجهاز الدوري والأوعيه الدمويه والشرايين والقلب
◄ لما بنمشي منخفض كارب مش "منعدم كارب " .. مع اي حد معتمد علي الانسولين بناخد جرعات علي الكارب وكمان علي ثلث الي نصف كمبه البروتين يعني مافيش انسولين ممنوع ده غير ان القاعدي بديهيا مش،بيقف يبقي مافيش نمو بيتاثر بنقص هرمون لا يعوض خارجيا
النظام فيه 30 كارب متقسمين (بنظام برنستين )
6 فطار
12 غدا
12 عشا
بندخلهم سكرنا مزبوط لا يتعدي 100 لمتبعين النظام وبنطلع منهم نفس الحاجه لو المعاملات صح وبدون علو في الساعه الاولي بعد الاكل ولا بعد انتهاء الهضم ب 4-5 ساعات , الاطفال متبعين النظام بيدخلوا الوجبات سكرهم لا يصل 90 حتي كمان
◄اللي بياكل كارب عادي وحتي ان زبط سكره = اكيد جرعات الانسولين الزايدة لو كميات اكل مش متزبطه = زياده وحدات انسولين = زياده مقاومه الجسم لعمل الانسولين وخصوصا لو ده متزامن مع زياده وزن , وابقي ساعتها ابتدي لابني ميتفورمين ولا ازود رياضه ولا اغير نظام اكل
◄ احنا كسكريين مش احنا الفئه الوحيده اللي بتغير عادات اكلها تغيير جذري وكامل
مرضي السيليك يتمنعوا من كل منتجات الجلوتين , مرضي القصور الکلوی و النقرس ممنوع اغلب انواع البروتین ماعدا البیض والجبن (قليل في محتواه من البروتین)
. النظام قليل الكارب عالي الدهون ده مطبق مع اطفال الصرع كبديل تغذيه علاجيه مساعده مع الدواء في عيادات كتير وهم مش سكريين
◄ كل نظام ليه فوايد ومحاذير عند تطبيقه
اول حاجه تهمني هي ان لو انا متبع النظام بقالي كتير وحصل هبوط شديد , ساعتها لازم اعلق جلوكوز او ادي سكريات بالفم لحد ما اعلق الجلوكوز = لان الجلوكاجون لن يعمل او لن يعمل بنفس الكفائه , لو في قرحه في المعده او مشاكل في المراره يبقي نستني نبتدي بعد العلاج لان زياده الدهون غلط , لو في مشاكل في الكبد من تليف او فشل كبدي يبقي ايضا النظام غير امن لخطر التعرض للهبوط بسبب اختلال عمليه "دورة تخليق الجلوكوز" التي تتم غالبيتها في الكبد في حاله الصيام الطويل او مايوازيه في النظام بتقليل الكارب , بنحتاج تعويض بمكملات غذائيه معينه , التكلفه الماديه في بعض الحالات!!.
◄ يبقي هل هو مناسب للاي حد = نعم وبشده لو بتطبقه صح ومتقبله كتغيير لنظام حياتك للافضل
بيتطبق مع اطفال وبالغين وحوامل ومن سنين ..هو بس اللي جديد علينا شويه
والانترنت مليان مجموعات دعم بشرح وافي اكتر و وصفات مساعده ومناقشات
◄ يبقي اول واهم حاجه هو تقبل السكري للتغير و الالتزام بيه البيت كله يتغير مش يبقي بنعاقب حد باكل لوحده وهو هيفهم كده نفهم النظام بيتطبق صح ازاي مش نقلل كارب وخلاص لان هنضر
◄ جربت اعمله مع أبني وفشلت لان مش بياكل قرنبيط ولا بيض ولا تقبل الموضوع
هل بعرف ازبط سكره بالنظام العادي الحمد لله , رد كافي يتقال بما يحمل معاه من تقلبات يوم كامل لطفل سكري لكن اكيد بحاول وبنجح كتير لو هو ساعدني
ولو انا فاشله او ناجحه ده مش مقياسك مع طفلك = خليكي احسن مننا
◄صفحات مهمه لمتبعي النظام
صفحه م . أحمد عفيفي
صفحه مدام رحاب وهي الزوجه الجميله الداعمه للنظام الغذائي للمهندس عفيفي و مدام لمياء وهي ام لطفله سكريه متبعه النظام
مجموعه م يوسف عامر
مجموعات باالغه الانجليزيه
ليست هناك تعليقات:
إرسال تعليق