حساب الكارب ..الموضوع أسهل مما تتخيل ..
المتبعيين حساب النقط ووصلتم لجرعه تطلعكم بعد الأكل بساعتين 100-120 أو 100-140 لو أطفال ..يبقي الجرعه دي نسبه 90% مناسبه لعدد النقط .
نعرف بقي أن نقطه يعني 15 غرام كارب
- لو بناخد لكل نقطه وحده ..يبقي معامل الكارب بتاعنا = 1:15 ..يعني 1 وحده انسولين : 1 نقطه
- لو بناخد لكل نقطه وحدتين ..يبقي الوحده بتغطي نصف نقطه ..يعني المعامل 1:7.5
- لو بناخد لكل نقطتين وحده ..يبقي معامل الكارب 1:30
- خلاص كده إنت عرفت معامل الكارب بتاعك كم , طيب لو مش كنت بتحسب نقط وماشي بالبركه ومره تصيب ومرات كتير تخيب ..
- جمع كل جرعتك اليوميه من نوعين الانسولين ..شوف كم وحده ..ده إسمه الجرعه الكليه ..في معادله تقولنا النسبه تقريبيه نبدأ نجربها ..
- نقسم 500 علي الجرعه الكليه = معامل الكارب
- خلاص كده ملناش حجه ..كلنا عرفنا معامل الكارب , اشتري ميزان جرامات ..يكون الزياده فيه كل 0.1
- نزل جدول الجروب عندك علي الكمبيوتر أو إطبع الصور بتاعته أو حملها علي موبايلك أو احفظها علي جهازك ثبت التطبيق - او أدخل على الموقع - صفحة الفيس - الجروب هتلاقيه
- هات تفاحه ..شغل الميزان ..حطها علي الميزان
- الميزان طلع رقم 100 غرام ..ده الوزن .
- احنا عايزين نعرف في الوزن ده في كم كارب.
- في الجدول ..خانه الفواكه..دور علي التفاح ..هتلاقي مكتوب قدامه ..نسبه الكارب 0.14
- إضرب الوزن 100 غرام في 0.14 ..يبقي التفاحه دي فيها 14 كارب
- إنت عايز تعرف جرعتك علي ال-14 كارب دول كم ..اقسم 14 علي معامل الكارب بتاعك ..
تاخد الجرعه ..وبألف هنا
مبروك بقيت بتحسب كارب
ليست هناك تعليقات:
إرسال تعليق